* المقروط المقلي المنقوش * . كل واحد كيفاه اسميه
نبداو على بركة الله بالمقادير :
كيلة سمن ذايبة معاها 3 كيلات دقيق من نفس الاناء
مثلا درتي كأس سمن ذايب ديري معاه 3 كيسان دقيق
قرصة ملح
هذا الكل للعجية
أما فيما اخص التمر* الغرس *ارحيه او ديري فيه القرفة و القرنفل و اذا بغيتي الجلجلان * السمسم *
اعجنيه مليح معا المقادير لي سبق او قلناهم معا شويا زيت حتى يرجع طري
ديري حربوش فيه التمر من الداخل و قطعيه مقروطات
و انقشيه بالنقاش
هاذي بعض الاشكال :
اقليه و حاذري لا يتفتت ما تقلبيهش بزاف او ما تقوي النار بش اطيب مليح
كي تكملي خليه يقطر من الزيت حتى يشربها مليح او ماتبقاش بنة الزيت فيه :
بالمناسة اذا ما بغيتيش تقليه طيبيه في الفرن
بعد ما يشرب الزيت او يرتاح عسليه :[/center]
شهية طيبة . ان شاء الله يعجبكم كي تجربوه
الموضوع من انجازي ليس منقول
دمتم في رعاية الله و حفظه
