عدد المساهمات : 146 نقاط : 192 تاريخ التسجيل : 31/01/2014 العمر : 28 الموقع : في المكان الذي يحب الله
موضوع: لابيري معا لاصوص * شهية طيبة * السبت فبراير 22, 2014 10:37 am
حبيت نقدملكم وصفه جميلة و شهية هي لابيري معا لاصوص نتاعها نبداو على بركة الله بلاصوص : تعملي هاذ الطريقة سوا عندك اللحم و لا دجاج أنا درتها باللحم المقادير : لحم ملح فلفل أسود رند ثوم زيت الماء كيفية تحضير لاصوص : ديري المقادير في كيكوتة ( طنجرة ) و الكميات على حساب العايلة نتاعك نظن المرأة الجزائرية تقدر تميز قداه تحط من المقادير ملاحظة : الماء ما تكثري بزاف ديري قدر ما تغمري لحم اقفلي الكيكوتة خليها لوقت صغير اطيب فيه اللحم شويا نحي لحم و احتفظي بالمرقة هاذيك اقلي اللحم زيت لي قليتي بيه ديريه معا المرقة لي احتفظتي بيها خليهم اطيبو حتا تخثر المرقة كي تخثر دير اللحم المقلي فيها او هكا يكون لاصوص نتاعك واجد .
دورك نديرو لابيري * البطاطا المرحية * : اطبخي البطاطا في ماء خليها طيب مليح حتى تطرا كي طيب نقيها و ارحيها معا حليب و شويا زبدة او ملح
و هكا اكون واجد الطبق نتاعنا
ان شاء الله تعجبكم و تستفدوا منها شهية طيبة و دمتم في رعاية الله و حفظه هذا الموضوع ليس منقول
